आफ्नो ज्यान हत्केलामा राखेर प्राण त्याग्दै यात्रु बचाउने महान पाइलट दिनेशको विदाइमा हजारौं मलामी सहभागी भएका छन् । मलामीहरुले “साहसी क्याप्टेन अमर रहुन”, “महान पाइलट अमर रहुन” जस्ता नारा लेखिएका प्लेकार्ड बोकेका थिए ।
अन्तिम समय सम्म पनि यात्रु बचाउन संघर्ष गरेका पाइलट दिनेशको ककपिटमा छोपिएको शव देखिने दृष्य सार्वजनिक भएको थियो ।
उनले अन्तिम सम्म पनि आफू मरेर भएपनि यात्रुहरुलाई बचाउने बताएको समेत बाँचेका यात्रुहरुले बताएका छन् ।
विमानमा समस्या आएपछि पाइलट न्यौपानेले विमानलाई कालिकोट विमानस्थलमा आकश्मिक अवतरण गराउन चाहेका थिए । तर उनको योजना सफल भएन । विमानलाई खेतमै अवतरण गराउनु पर्यो ।
यात्रुलाई बचाउन दिनेश र सन्तोषले अन्तिम सम्म पनि प्रयास गरेको घटनाक्रमले देखाएको छ । चालक र सहचालकले आफ्नो बलिदान गरेर पनि यात्रुहरुलाई भने सुरक्षित राखेका थिए ।
सोही दुर्घटनामा निधन भएका अर्का को पाइलट सन्तोष रानाको भने यस अघी काठमाडौंमा अन्त्यष्टि गरिसकिएको छ ।
0 comments:
Post a Comment